COMEZAMOS!!

Xa comezou o novo curso e, con el, o club de lectura. O mércores teremos a nosa primeira reunión, non o esquezas!!

NOVO CURSO

Un curso máis estamos aquí, polo que convocamos a todo o alumnado para que se anote no club de lectura. Temos moitas actividades preparadas para vós. ANOTÁDEVOS!!

NOVA CONVOCATORIA

                                                                                               Leave The Office ASAP de Canva

POSTA EN COMÚN E PRESENTACIÓN

O  día  9 de maio reunímonos para realizar unha posta en común sobre  distintas cuestións relacionados coa obra Tras a sombra do bruxo: autor, outras novelas ambientadas no continente africano e aspectos destacados da súa cultura, tradicións  e costumes.

Reflexionamos sobre algúns temas desta obra de ficción e valoramos a súa importancia. De entre todos eles, destacamos: a necesidade do respecto ao medio ambiente, a tolerancia e a solidariedade (valores imprescindibles da nosa sociedade), o respecto á diversidade cultural, a importancia da familia, a amizade, o amor adolescente... 

Na parte creativa, os lectores e lectoras presentaron e comentaron os deseños que plasmaban o máis salientable da obra de Francisco Díaz Villares. 

Para concluír, o alumnado de 4º da ESO realizou unha presentación-sinopse de  O que sei do silencio,  para o resto de compañeiros  e compañeiras do club de lectura. Esta obra espertou grande interese  e permitíunos afondar no tema do acoso escolar desde unha nova perspectiva: a dunha acosadora pasiva.

De novo unha xornada moi especial!👏

NOVAS LECTURAS

NOVAS LECTURAS

O xoves 11 de abril fixemos a presentación das nosas próximas lecturas. Os títulos elixidos foron:  

Tras a sombra do bruxo de Francisco Díaz Valladares.

 

O que sei do silencio de Andrea Maceiras. 

Esperamos que sexan do voso agrado e  que vos resulten unhas lecturas pracenteiras, reflexivas e moi produtivas.😍

CUARTA REUNIÓN DO CLUB DE LECTURA

O pasado  28 de febreiro celebramos unha nova reunión do  Club de Lectura para compartir as nosas impresións sobre a película Campeones e comparala coa obra Mi hermano persigue dinosaurios. 

Campeones tivo unhas excelentes críticas por parte dos nosos lectores e lectoras. A acollida non puido ser mellor. 

Na posta en común destacaron os valores que transmite e toda a tenrura e emoción que desprenden os seus protagonistas. 

Escollemos o noso personaxe favorito e relacionámolo con algúns dos temas do filme (o poder curativo da amizade e do amor,  a necesidade da inclusión social, a importancia e valor do humor,  a superación dos medos e das fobias o amor polos animais, a solidariedade e o repecto como piar fundamental da sociedade ...).

Concluímos a reunión realizando unha ficha didáctica da película e rematamos cunha posta en común na que destacamos as reflexións e ensinanzas que nos achegaron estas dúas fermosas historias. 

Un pequeniño adianto....😊