O 1 de xuño tivemos a última reunión do noso club de lectura. "O vixía no centeo" deu para moito comentar...
Empezamos falando do difícil que resulta as veces ler no interior das persoas analizando a figura do protagonista da novela. Dende alí a conversación derivo a definir qué postura adoitamos a tomar cando lemos un libro: atá que punto nos metemos na historia?
Rematamos falando dos nosos libros favorito.
Foi un bonito peche de ciclo.
Agora vos deixo con unha reseña que fixo un dos participantes
compartindo a súa experiencia neste club de lectura.
Neste
curso que agora remata, no Pedra da Auga deu comezo una nova
actividade, diferente aos xa coñecidos torneos de fútbol sala ou
baloncesto. As profesoras Pilar e Isabel esforzáronse por crear un
clube de lectura no que todos os membros desfrutásemos da lectura,
coñecésemos novos autores e onde todos puidésemos intercambiar
opinións en cada reunión programada, sobre os relatos que se
acordasen ler , sendo esta unha iniciativa gratuita para todos os
participantes posto que as novelas podían terse alugado na
biblioteca do centro e na que cada un le o libro no seu tempo de
lecer.
Ao
longo destes meses puxémonos na pel de diferentes persoaxes, dende
Christopher
Boone, un adolescente que nos mostra as dificultades de sufrir o
síndrome de Asperger no libro “O curioso incidente do can a media
noite” de Mark
Haddon,
ate Holden
Caulfield
un rapaz rebelde ao que expulsan por enésima vez dun instituto e que
narra todos os acontecementos dende que decide escapar do internado
ate que volta a súa casa no “Vixía entre o centeo” de
J.
D. Salinger,
sendo este un dos libros importantes no século XX en Estados Unidos
pola linguaxe empregada e polos temas tratados.
Pero
sen dúbida, entre todos as novelas escollidas houbo una que acaparou
os eloxios de todos os membros que participamos nesta actividade, e
esa foi “Matar a un ruiseñor” de Harper
Lee, onde os valores que mostra o avogado Atticus Finch, a inocencia
de Scout Finch e a valentía de Jem Finch xunto coa forma de tratar o
racismo, e a diferenza social son unha lección que traspasa o tempo,
moi recomendábel nos días de hoxe onde a sociedade peca de soberbia
e prexuizos.
Pero
non só nos adicamos a interactuar sobre os libros lidos entre todos,
o intercambio de opinións sobre grandes autores como García
Márquez, Oscar Wilde, ou o gran Scott Fitzgerald e a recomendación
de novelas de distintos xéneros e diferentes épocas tamén foron un
tema habitual nos coloquios realizados.
Sen
dúbida esta foi unha actividade diferente, necesaria, entretida e
que gostou a todos os membros que participamos nela, só cabe agardar
que esta sexa a primeira edición de moitas máis onde participen
tanto o alumnado como o corpo docente.
David
Pino Masid
Alumno do Ciclo Superior de Administración e Finanzas
Grazas a todos e ata o curso 16/17!!!!
Neste libro
a protagonista é Dana, unha moza
granxeira, que é requerida por un misterioso Mestre e conducida á Torre, no
remoto Valle de los Lobos. Tempo atrás, a Torre foi una brillante escola de
alta feiticería pero hoxe apenas tres persoas habitan nela. Ademais do propio Mestre e da
cociñeira, o único aprendiz que estuda na Torre é un reservado elfo cun oscuro
pasado. Pero a propia Dana tamén ten segredos. O seu carón está sempre Kai, o
seu mellor amigo,confidente, protector… un neno a quen só ela pode ver.
Mentras se inicia nos misterios da maxia ancestral da Torre, Dana descobre que
sobre o lugar pesa unha antiga maldición.
Holden
Caulfield, coñecendo que vai ser expulsado da escola, decide deixala
antes. Pasa tres dias na cidade de Nova York e conta a historia do
que fixo e sufriu. Narrada moi subxectivamente (o protagonista fai valoracións de todo canto relata), utilizando unha linguaxe propia da
mocidade e facendo unhas analises da realidade mediatizadas pola
peculiar personalidade do protagonista, a través do relato asistimos
a fuxida cara adiante de Holden quen expulsado do seu elitista
colexio, decide marcharse de ali e deambula polas ruas de Nova York
queimando un tras outro os seus recursos de subsistencia.
Personalidade nerviosa e sensible, Holden, na transición da
adolescencia a madurez, enfrontase no decurso dunhas poucas horas cos
grandes temas que preocupan a tódolos mozos: o seu lugar na
sociedade, os valores que se afianzan e se desbotan, a actitude
fronte a morte, o amor e outros sentimentos que suscita, a amizade, a iniciación o sexo..., contado todo con humor e unha extraordinaria
intensidade narrativa, nun maxistral relato en primeira persoa.
