Todo o tempo do mundo será a novela de febreiro para o Clube de Lectura da ESO

Premio Merlín de Literatura Infantil, 2016, de Edicións Xerais de Galicia, escrita por David Pérez Iglesias e ilustrada por Marcos Viso, é un libro de lectura interxeracional, onde as dsistancias dependen das emocións e abrolla unha historia inzada de amor, tenrura e sensibilidade.

Sinopse:  

Ariadna lembra aqueles vinte días felices que pasaron entre a mañá en que chegou á aldea na furgoneta dos panadeiros e a mañá en que Valente, o seu avó, a deixou no aeroporto, camiño de Canadá, onde emigraron os seus pais despois de ser despedidos do traballo. Días inesquecibles de verán nos que esta rapaza de case doce anos aprendeu na casa da Albariza o nome de cada unha das árbores e a identificar o son do río e da fervenza, do merlo e do paspallás. Da man do avó Valente, Ariadna abre os ollos a un mundo que é por última vez e a unha maneira de camiñar pola vida que durará sempre. Unha novela emocionante, que paga a pena ler aos dez e aos cincuenta anos. Un relato moi fermoso que describe de que estamos feitos, como se conforma a propia vida e onde, con quen, ou como ordenamos prioridades.

FICHA DE LECTURA: https://www.xerais.gal/catalogos/proyectos_lectura/XG00248701_9999971249.pdf