GIACOMO MAZZARIOL FALA DA SÚA OBRA

O autor de Mi hermano persigue dinosaurios explica como é  a relación co seu irmán e como esta foi cambiando segundo pasaba o tempo.

Finalizamos a reunión coa presentación e posterior comentario doutras obras literarias protagonizadas por irmáns/irmás.💬

      A  NOSA PRIMEIRA  PROPOSTA

Unha historia tenra e conmovedora que nos destaca o marabilloso da diversidade. Para escribila, Giacomo Mazzariol, non precisou inventar nada.

O punto de partida da obra foi este vídeo  protagonizado por Gionavani, irmán do autor.

           

 

 

CLUB DE LECTURA

                     

                                                                                           

PRESENTACIÓN E PRIMEIRA XUNTANZA DO CLUB DE LECTURA

O ambiente na biblioteca non podía ser máis acolledor, houbo bica, libros e moito entusiasmo.  Así foi a primeira sesión do Club de Lectura o pasado día 29 de outubro.

Xornada de presentacións tanto para o noso alumnado como para as obras e actividades programadas.

Esperemos que os nosos lectores e lectoras gocen moito coa lectura e, sobre todo, co pracer de compartila no marco dun ambiente agradable e distendido.

Presentacións...

                                         .

                                   

                                      Vivencias literarias... 

     
Creatividade ...


A partir da portada da nosa primeira obra imaxinamos os posibles títulos.💬

ENCONTRO DE  ALFONSO  PEXEGUEIRO 

CO ALUMNADO DE BACHARELATO DO

CLUBE DE LECTURA DA AUGATECA

E OS GRUPOS DE 1º DA ESO

O mércores 30 de maio foi un día moi especial para o IES Pedra da Auga de Ponteareas. O alunado de bacharelato do Clube de Lectura da Augateca e de primeiro da ESO, encontrouse co poeta ponteareán Alfonso Pexegueiro para comentar Blasfemias do silencio (de Seraogna aos Balcáns) e O lago das garzas azuis, respectivamente. 

Falouse de poesía como ferramenta para transformar o mundo, do conceito de poeta como aquel que ve o que outros non ven, da infancia como verdade perdurábel. Foi unha xornada intensa e chea de emocións. 

O termo poeta cobra sentido e medra coa olhada 
inmutabelmente sensíbel de Alfonso Pexegueiro, autor 
fundamental para as nosas letras e a nosa lingua propia ao 
que quixemos reconhecer na súa terra e desde a perspectiva
infanto-xuvenil.

SAÍDA DO CLUBE DE LECTURA DA ESO AO SALÓN DO LIBRO DE PONTEVEDRA

Na mañá do xoves 19 de abril realizamos unha visita guiada polo Salón, nesta edición, a XIX, dedicada ás mulleres de conto e que conta como país convidado a México, a súa literatura e cultura.

Logo da visita ao Salón, fixemos polas rúas da cidade do Lérez as camiñadas con María Victoria Moreno, un percorrido deseñado por Fina Casalderrey e Ana Acuña, que rememora os diferentes lugares da cidade baixo a perspectiva vital da escritora á que se lle dedican as Letras galegas 2018

AS EMOCIÓNS SENTIDAS NA NOVELA TODO O TEMPO DO MUNDO PROTAGONIZARON UNHA NOVA XUNTANZA DO CLUBE DE LECTURA DA ESO 

A emigración

As despedidas 

O 21 DE MARZO MONTSE FAJARDO VISITOU O IES PEDRA DA AUGA PARA COMENTAR INVISIBLES CO ALUMNADO DE BACHARELATO

A tamén autora de Matriarcas e Un cesto de mazás conversou animadamente sobre a súa recente publicación, os relatos do maltrato contidos en Invisibles, unha crónica que causou grande impacto no alumnado, tanto polo xeito realista e descarnado das historias auténticas e veraces que a compoñen, como pola axil naturalidade coa que se narran.

O encontro organizado polo Clube de lectura da Augateca serviu para abrir un vivo debate sobre a violencia a machista, os indicios para a súa identificación e a dimensión acadada pola folga feminista do 8 de marzo.